Nitin Pathian thawn

Lalruatcawk
1Korin 1:1

Paul le Sosthenes-Pathian lungkimnak in Khrih ih Tirhthlah cun,Korin khua ih ummi zumtu pawl le Bawipa Jesuh Khrih zumtu hmuahmuah thianghlim nun nei dingah kawhhranmi pawl hnenah ca an kuat.

Paul cun a mah le a mah “tirhkoh lole tirhthlah” tiah a kawh awk men si lo in, Pa Pathian ih lungkimnak ih kawh mi a si thu a ngan. Hi cakuat a ngan nakah Sosthenes ih hmin tla a ngan tel. Ziangah ti le, an pahnih thuanthu kan zoh tikah, bangawknak an nei. Paul cu Jerusalem kawhhran upa Stephen an den thatnak rak lungkim pitu a si (Dungthluntu 7:60b).

Dietrich Bonhoeffer

Johnlsl

1906 ah Germany ah a suak. A nu le pa hi Khrihtian an si vekin Pathian thu ah ṭhanglian puitling dingin lam an hruai. A nauhak laiten theologian si ding a rak tumtah. Thlukṭha le cathiam zet tlawngta a si ih a kum 21 ah theology in PhD cu University of Berlin in a ngah. A cazir a ṭheh in theology zirhtu ah a cang, cabu tampi a ngan, neta ahcun pastor a ṭuan leh.

Cui kiangkap hrawngah Adolf Hitler cu Germany ram hotu ah a cang. A Nazi pawlkom in Germany ram, boruak le umdaan tampi an thleng ter. Jews pawl an dodal, an hnaṭuan le nuntukhawsak remcang lo dingin daan an tuah. Cun tawkfang ah thawng an thlak hngai, nasa takin an hrem, an that hngai. Cui thil pawl parah Khrihtian mi pawl in an thulehdaan cu a bangaw cio lo. A tam sawn cu thil poimawh zianghman um lo le cang lo vekin daiten an um men. Mi malte lawng an nunnak thap in Jews pawl run ding le Hitler acozah ih thilti dik lo cawl ter dingin an zuam.