Pathian Biak

HmingLian

Sunlai ahcun a ra. Ziangah? Ziangah nunau dang vekin zanlam ninem ah a ra lo? Midang nunau pawl ton duh lo ih kian hai deuh a bang ko lo maw! An mi relsiat hi nisa tuar hnakin a sa deuh si men ding. Curuangah si sunlai ah a rat.

Asinan, tuini cu amah lawng a si lo. Mikhual pakhat hi tikhur kap ah a rak to, a ke a thluang, a mit a rak sing. A hmai cu nisa tuarnak ih thlan thawn a si. Nunaunu in a kiangkap cu a zoh ih zohman a hmu lo. A vun zoh sal cu tikhur kap ih to pa cu a rak meng ih nunaunu cu a rak zoh. Nunaunu cu a ṭih deuh ih khatlam a hoi.

Na duhnak vekin...

 “Abba, Ka pa! Na hrangah cun ziang hmuahhuamh a cang thei ṭheh. Hih tuarnak khuathai hi ka hnen ihsin la hram aw. Asinain ka duh vekin si hlah seh, na duh vekin si sawn seh,” tiah a ti.

Mark 14:36

Johnlsl
A olsam, a remcang, a tluang ti ruangah tuah dingah a ṭha, a rem, a tlak ti a si cekci lo. Cuvek thotho in harsatnak kan tong, dawnkhamnak phunzakip kan hmaiah a um ruangah Pathian duhnak kan thei lo, kan hmu lo tinak a si cuang lo. “Pa’i duhnak” timi nih kan thazang hmuahhmuah, kan sinakpawl le kan tumtahnak, kan nun zaten in dil caan a um tengteng ko ding. Kan Bawipa Jesuh tla cuih ziin a rak zawh dah kha.

Lamzin146

Salt107

Pathian nih ziangah a nunnak pek in i run? Ka um menmen, ka sual menmen, ka vaivuan menmen mipawl i zoh ih i zangfah ruangah si pei maw? A si zik lo.

Pathian nih sersiammipawl a sersiam laiah ‘cit maw pawt’ tuah vek men fangin a duhduh lam ih tlakin a remrem daan ih va si vivo men dingin a tuah lo. A ṭhabik in a tuah hnuah a lungkim ih a ṭha a ti. Milai a sersiam laiah tumtahnak fiangfai takin a rak nei, amah hmulhmel kengin a sersiam, cucu milai kan sinak ding tiih a tumtahmi tla a si fawn. Nan, kan rak tlin ta lo. Kan si thei ta lo. Amah lala nih a nunnak kan hrangah a rak liam saal lala.