“Abba, Ka pa! Na hrangah cun ziang hmuahhuamh a cang thei ṭheh. Hih tuarnak khuathai hi ka hnen ihsin la hram aw. Asinain ka duh vekin si hlah seh, na duh vekin si sawn seh,” tiah a ti.
Mark 14:36
JohnlslA olsam, a remcang, a tluang ti ruangah tuah dingah a ṭha, a rem, a tlak ti a si cekci lo. Cuvek thotho in harsatnak kan tong, dawnkhamnak phunzakip kan hmaiah a um ruangah Pathian duhnak kan thei lo, kan hmu lo tinak a si cuang lo. “Pa’i duhnak” timi nih kan thazang hmuahhmuah, kan sinakpawl le kan tumtahnak, kan nun zaten in dil caan a um tengteng ko ding. Kan Bawipa Jesuh tla cuih ziin a rak zawh dah kha.
Gethsemane hmuan sungih kan Bawipa Jesuh nih a mai duhnak hnong in “Pa’i duhnak” a hril sawm mi tlukih thil har hi a um nawn pei maw! Kha thukih khungmi thil rapthlakza pawl duhlo na cingin vun hril sawn cu!
A kiang naibik um ringring pawlih theihthiamlonak…
A dungthlun 12 sungin paisa malte ih zuarnak…
A lamah thatho takin a ṭang ringringtu-ih phatsannak…
Khihhrennak, hremnak, dingfello ih thuṭhen tuarnak…
Misual bik pawl thahnak thinglamtah parih thihnak…
Hi pawl hi “Pa’i duhnak” tuah ding a hril sawn ruangih a tonmi thilpawl, a tuarmipawl… Si, Pathian ih tumtahmi lamzin a hril sawn ruangah ruahbanlomi rapthlakza leitlunmipawlih kan sualnak hmuahhmuah a phur khi.
“Pa’i duhnak” ruangah ‘kan duhnak, ka saduhthah, kan lungthlitum, kan sunmangpawl’ tansan ding rak si ve ta sehla… Kan Bawipa Jesuh vekin, ‘ Ka duh vekin si hlah seh, na duh vekin si sawn seh,’ kan ti thei pei maw!
Pathian ih duhnak le a lamzin hi a ol ringring lo, nan a dik ringring.
Source: : Discovering GOD,s Daily Agenda
0 comments:
Post a Comment