Lamzin146

Salt107

Pathian nih ziangah a nunnak pek in i run? Ka um menmen, ka sual menmen, ka vaivuan menmen mipawl i zoh ih i zangfah ruangah si pei maw? A si zik lo.

Pathian nih sersiammipawl a sersiam laiah ‘cit maw pawt’ tuah vek men fangin a duhduh lam ih tlakin a remrem daan ih va si vivo men dingin a tuah lo. A ṭhabik in a tuah hnuah a lungkim ih a ṭha a ti. Milai a sersiam laiah tumtahnak fiangfai takin a rak nei, amah hmulhmel kengin a sersiam, cucu milai kan sinak ding tiih a tumtahmi tla a si fawn. Nan, kan rak tlin ta lo. Kan si thei ta lo. Amah lala nih a nunnak kan hrangah a rak liam saal lala.

Leitlun fimthiamnak, thuruahtheinak le serthiamnakpawl nih a thoknak le a cemnak tiang hmuhfiang tihi a um thei lo. Hihi, Christian pawl ih kan danglamnak tumbik cu a si. A hramthoknak fiangten kan nei ih kan cemnetnak ding tla fiangten kan thei.

John 14:6 sungah, Jesuh in, ‘Keimah cu lamzin, thutak le nunnak ka si. Keimah hnenin sairlo zohman ka Pa hnenah an thelng thei lo.’

Lamzin ka thei a ti lo, ‘Lamzin ka si’ a ti. Ziin thei tu a si lo. Amah hi Lamzin cu a si. Zaingah ziin dang kan hawl rero nawn ding! Lamzin a si mi amah ah kan hngatawk, kan ṭhumawk a si ahcun…