David McCasland
Siar: :2 Timote 4:1-8
Tlan zuamnak ah ka ti thei patawp in ka tlan zo; tlan zuamnak a netnak tiang ka tlan zo ih ka zumnak khal thlauthla lo te’n ka pom hnget zo. - 2 Tim. 4:7
2009 ih phunsang tlawng pawl bawlung sit zuam awknak ah Texas tlawng ihsin a lektu Colt McCoy in lehnak caan ṭha a ngah ruangah Pathian thangṭhatnak in a lek ṭheh tinte thusuhmi sannak a nei. Ram sung Champion zuam awknak ih hma a put tikah bualrawn kap in a team pawl an sung kha zoh an fial.
TV thuthantu hnenah hiti’n a sim: “Ka team thawn um dingin ziangkim ka pe aw... Pathian sunloihnak ka pek ringring. Ziangruangah hiti’n thil a cang si pei aw? ti’n thu ka sut dah lo. Pathian cu ka nunnak ih thu neitu saangbik a si ih Lungpi parah ka ding ti ka thei.”
Paul in Pathian ih luatternak vei tampi a tong nain a hmai ih a suakmi thil pawl tuah sak dingin a fial dah lo. Timote hnenah, “Kei cu raithawinak ih an pekmi vekih in hman caan a kim thlang. Hih leilung nunnak hi ka tlansan caan a cu zo,” (2Tim. 4:6) a ti. Paul hi a tumtahmi a ṭuan suak lo, a nunnak hi sunnak hlir in a cemnet kan ti thei men. Amah cun, “Tlan zuamnak ah ka ti thei patawp in ka tlan zo; tlan zuamnak a netnak tiang ka tlan zo ih ka zumnak khal thlauthla lo te’n ka pom hnget zo” (c.7), hmailam ih ka co dingmi sui lukhuh in i hngak,” (c.8) a ti.
Pathian thawn kan feh tlang vekin kan neh le kan sun khalah Amah kan thangṭhat thei ringring.
Vancung ih ka Pa cu ka rinsan thei ringring,
A thlengh aw dah lo ih; amah kel ringring a si;
Mani, tuini le kumkhua, Amah cu rinsan tlak a si,
I duh ti ka thei, A hmin thianghlim thangṭhat uh! - Felten
Thlengh awknak tinte ah rin tlak a si ringring. - Katharina von Schlegel
Hminsin: : Rev. Run Cung Mang ih thlahmi Nitin Thlarau Rawl sung ta a si.
0 comments:
Post a Comment