Tufa le Ram-ui

Hminglian

Nikhat cu cirhti fate pakhat ah Tufate le Ram-ui tidai in ding ra veve an tong aw. Ram-ui cu a sinak vekin a hrokhrawl ih mi’h sual hawl khal  a thiam zet. Tufa cu midai leh miṭha a si. Ram-ui in a hmuh tikah ei a duh mai. Ei dingin a um lawk. Asinan ziang thu hman um lo ih vun ei lok mai cu hramlak ih um ramsa pawl ih daan a pah bal ding a phang. Hramlak ih ramsa pawl ih daan tuahmi cu, a tum in a fate hmuhsuam lo ding,” ti a si.

 

Tufate in Ramui nih i ei duh ti a theih tikah hitin a ti, “nang cu a tlun lamah na um ih kei cu na in hnu leh na pal zomi ti nawi si ka in,” ti in Ram-ui in a tlun ah sual a hawl lo nak dingah a ṭong. A ṭongmi a dik ruangah Ram-ui cu ti ding a thei lo lawk. Asinan Ram-ui cu thu  a ruat rero ko. A rei hlan ah hitin a vun ti, “hey! Tufate, tlan hlah maw ka mang sal mi pakhat a um. Hlan ah hitawk ih ti ka rak in laiah na pa kha si lo maw ka ti in ding rak nawi ter ṭhehtu” a ti ih tufate cu a deh.

(Source: Myanmar folk tales)