Na ṭongkam le a hmual (3)

Rajiv Falam

James 1, caang 2 in a tanglam kan khaikhawm a si le, hniksak harsatnak kan tuarmi ihsin thlawsuah hawl in; Bawipa in a lo bawm dingih khai hniksaknak sung in a lo run suak ding; Na sualnak phuang in rinsantlak a sizia na pom ahcun khai hniksak harsatnak ihsin thil ṭha a lo zirh ding. A caancaan ahcun kan tuahmi ruangih a thlengmi harsatnak sungah Bawipa in mallai in um ter hrim caan khal a um thei. A sullam cu kha vek thil kan tuah saal lo nak dingah a si.

Khatin kan tuar lai ih bomnak dil in, thla cam in Bawipa kan hngak tikah, rinhlelhnak um lo in zumfek zet ih um ding kan si. Nipini ah Christian unau pawl hnenah zumnak thu sim ciamco nan hnaṭuannak ih zumlotu pawl hnenah hmuah beidong vansannak pawl sim kan hmang ṭheu. Christian hrekkhat cu zumtu unau pawl kiang ah cu (Super Christian) thlarau mi maktara kan si nan, mah inn kan thleng ahcun (nightmare) zaanmangsia vek kan si. Zohman ih hmu lo nak ih kan nunzia le Pathain thawn kan peh tlaih aw nak hi, Nipi ni mipi hmai ih kan taar lang aw kungko mi hnakin a thupi sawn a si. Inn kan thleng ih saangka kan khaar hnu in kan sinak taktak a lang.

Source :       : Joyce Meyer in The power of words