Lalruatcawk
1 Korin 3: 1-4
Paul in Korin khua pawl hnenah tisa duhzawng ih an nun zia thu a hei ngan. Cui tisa nunzia pawl tla cu hi tivek in an si. Thlarau mi vekih sim an theih lo. Nauhak vekih sim an ṭul ringring. Rawlngai ei an cu nan, rawl ngai an ei thei lo. Cawihnawi lawnglawng pek an ṭul. Pakhat le pakhat iksiknak an lakah a um. Culawng hman si lo in an lakah lungrualnak a um thei lo, ṭhenṭheknak lawng in a khat. A tlun ih nganmi Korin Zumtu pawl ih nuncan daan le Paul ih ca ngandaan kan zoh asile an zumnak nun ah ṭhanso ding vekin an ṭhang lo ti a fiang. Tui tikcu caan ahcun rawlngai ei ih thlarau lamah pitling vekin nun caan a cu. Sikhalsehla Korin pawl nunnak ah cuvek hmuh ding a um hrih lo. Thlarau le taksa ah pitling pakhat si cu zo hnu nauhak vekin kan nun ringring lai hi cu damlonak phunkhat a si. Kan sung ihsin a rah suakmi pawl tla cu tisa duh zawng lawnglawng an si ding.
Curuangah Pathian in kan thinlung, kan taksa le thlarau nunnak ah ṭhangso ding in in zirh. Sikhalsehla kan tisa ruahnak lawngin kan ṭhangso tum a si ahcun, Pathian duh zawng a si cuang lo. Nun pumhlum ṭhansohnak khal kan nei dah cuang lo ding.
0 comments:
Post a Comment