Lalruatcawk
1 Korin 1: 18-19
“Thinglamtah parih Khrih thihnak thu cu, a hlo cuahco mi pawl hrangah cun zianghman a si lo. Rundam lai rero a si mi pawl hrangah cun, Pathian huham thilti theinak a si. Mifim pawlih fimnak cu ka siatsuah dingih, mithiam pawlih thiamnak cu ka hnong ding.”
Himi cakuat ngantu Paul ih nun kan theifiang a si le hmual nei takin hih Bible caang hi kan siar thei. Paul in Filipi kawhhran pawl hnenih ca a kuatmi sungah hitin a ngan. Sinak lamah Benjamin cithlah, Judah mi felfel, Pharasi ah Pharasi, daan thlunnak ah mawh nei lo Paul a si. Sikhalsehla Khrih Jesuh ruangah cu pawl hmuahhmuah tla cu zianghman lo men an si.
Profet Isaiah san Israel mipi pawl Pathian hmaiah ra tahrat in an hmur lawng, thinlung tak tel lo in an bia. Pathian an biak daan khal minung ih tuahcopmi daan thawn an biak. Cutikah Pathian in “ Mifim pawlih fimnak cu ka siatsuah dingih, mithiam pawlih thiamnak cu ka hnong ding” tiah Isaiah 29:14 sungah a ti.
Profet Isaiah san Israel mipi pawl Pathian hmaiah ra tahrat in an hmur lawng, thinlung tak tel lo in an bia. Pathian an biak daan khal minung ih tuahcopmi daan thawn an biak. Cutikah Pathian in “ Mifim pawlih fimnak cu ka siatsuah dingih, mithiam pawlih thiamnak cu ka hnong ding” tiah Isaiah 29:14 sungah a ti.
Zumtu Pathian fa sikhalsehla, nitin kan nunnak ah a hloral rero mi nun in kan rak nung pang ṭheu. Cuvek nunnak cu, Pathian thu ziang kan siar lo caan fangah a si. Famkimnak ram kan thlen hlan sung cu nitin rundam rero lai kan si. Cui nun kan neih tik caan ah, Pathian thuthangṭha in kan nunnak sungah humham thilti theinak a lang ter. Kan mah le fimnak hmangin thil thupi (Pathian theihter tlak) le thil fate (kan mah tei tuahthei mi) tiin kan rak ṭhenṭheu. Cui thil fate men kan timi pawl in a si, riahsiatnak le hlawhtlin lo nak nun in neiter ṭheu. Pathian hrangah a fate le a tum a um lo, ziangtinkim kan tuahmi ah amah rinsannak thawn tuah ding hi Pathian lungkim zawng asi.
0 comments:
Post a Comment