Anthony Bawi Lian Thang
July
Tuini ih kan hman rero mi July thla hi Rome mi pawl cun ‘Quintilis’ ti in an rak ko. Quintilis timi ṭongfang cu Latin ṭong ‘Quinque’ in rami a si ih a sullam cu ‘Panga’ (five) tinak sullam a nei. July thla hi hlanah cun ni 30 lawng a rak nei nan, B.C 46 hrawngah Caesar in nikhat a rak bet ruangah ni 31 a run neihnak a si. B.C 44 ah Gaius Julius Caesar (c.102-44 B.C) in a hmin upat pek a duh ruangah, a hmin sungin ‘Julius’ kha lakin ‘Quintilis’ thla cu ‘July’ thla ti in a thleng.
Kumzabu panga hrawngih Rome canganthiam hminthang ‘Ambrosius Theodosius Macrobius’ cun Marcus fapa Mark Anthony (c.83-30 B.C) in Julius Caesar hmin in nithla hmin bun dingin thu a rak bur a si ti in a rak ngan. Cu lawng si lo in Julius Caesar hi July ni 15 ih rak suakmi a si ti in a ngan bet. Rome nithla siarnak le an thuanthu ah cun Julius Caesar hmin in an thlengmi July hi a hmaisa bik nithla thlengmi a si an ti. July hi Mirang ca ah cun ‘Julie’ tin an rak ngan, asinan caan a rung rei deuh vivo ih a tu ah cun ‘July’ ti in run ngan le hman a rung si ta.
Kumzabu panga hrawngih Rome canganthiam hminthang ‘Ambrosius Theodosius Macrobius’ cun Marcus fapa Mark Anthony (c.83-30 B.C) in Julius Caesar hmin in nithla hmin bun dingin thu a rak bur a si ti in a rak ngan. Cu lawng si lo in Julius Caesar hi July ni 15 ih rak suakmi a si ti in a ngan bet. Rome nithla siarnak le an thuanthu ah cun Julius Caesar hmin in an thlengmi July hi a hmaisa bik nithla thlengmi a si an ti. July hi Mirang ca ah cun ‘Julie’ tin an rak ngan, asinan caan a rung rei deuh vivo ih a tu ah cun ‘July’ ti in run ngan le hman a rung si ta.
0 comments:
Post a Comment