Thla 12 an Thawhkehdaan (March)

Anthony Bawi Lian Thang

March kan timi hi Rome ṭong in ‘Martius’ ti a si. March timi hi Rome pawlin ral pathian (god of wars) an timi ‘Mars’  upatnak ah an rak sakmi hmin a rak si. Rome thuanthu ah a ummi cu Rome khawlipi a hmutu ‘Romulus’ in nithla siarnak ah hin March (Martius) in a rak thok ti in thuanthu an rak nei. Zumnak pakhat an rak neihmi lala cu March ti in an rak saksanmi  cu Romulus ih pa ei kha a si. Amah cu Rome ukawknak kilkhawi ṭhatu le an ral pawl rak nehtu a si. Amah hi raldonak lamah a cak zetmi pa a rak si. Ahlan ahcun march thla hi thla hmaisabik a rak si, tu ih January thla thoknak ai-ah an rak ret. Asinan B.C 153 hnu-ah march thla cu thlathumnak ah an run ṭhawn sal mi a si. Cuticun tuini santhar nithlasairnak khalah kan run hmanglan ta a si. March cun ni 31 a nei.