Na ṭongkam le a hmual (2)

Rajiv Falam

James 1:2 ah hniksaknak nan ton tikah lungawi uh a ti. Ziangah tile hniksaknak kan tonnak ah thlawsuahnak tumpi a um. Himi hi kan nunpi ding hrimhrim a si. Harsatnak kan ton caan ah maw, thinṭeu ih kan um caan ah maw, beidong ih kan um caan ah maw, hmaisabik ih ṭong ding kan zir dingmi cu "Bawipa, hih hniksaknak sungin thlawsuahnak hmusuak dingah in bawm aw" ti a si.
Kan nih cu Satan ih thil titheinak sawn kha kan phuang, Pathian ih in tuahsakmi pawl rel sawn lo in. Satan hrangah sangka kan on sak a si. Na ṭongkam in na zumnak kha vanram tiang a thlen pi thei, vancungmi pawl thinlung a thleng ter thei. Kan zumnak cu a suak (release) theinak ding ziin on sak a ṭul. Cumi ah kan ṭongmi ṭongkam hi a thupi zet.

Hitin ka ti tikah kan harsatnak kha sim lo le phuang lo lawlaw ih um ding tinak a si lo. Ti duh sawnmi cu kan harsatnak thu pawl kha tumtahnak nei cuca lo ih ṭong lo ding tinak sawn a si. Kan harsatnak pawl hrangah thlacam dil kan duh caan ah ṭong a ṭul. Thla kan cam caan ah Bawipa hnenah simphuang a ṭul. Kha vek caan pawl sawn ah ṭong ding ka tinak sawn  a si.

Source:      : Joyce Meyer ih The power of words