Hlawhtling

HmingLian

Veikhat cu fala pakhat in Italy ram ih hlasak thiam (opera singer), a rualnu hnenah a va leng ih pawl aw phah in thu an ruah aw. Cui hlasak thiam nu cun inn le lo ṭha tawktak a nei. A inn cu Israel ram kap ih Mediterranian tikulh kap ah a sak. A inn hnuai tikulh tlun ah puan-zar lawng mawi zetzet a nei fawn. Fala nu cun a rualnu cu hitin thu a sut,  “Himi na thil neihmi pawl hi na hlawhtlinnak langter tu pawl ah na ruat maw?”

“Ziangah maw, ruat lo e” tin hlasak thiam nu cun mangbang deuh nawn in a vun sawn.

“Asile, na hlawhtlinnak cu ziang vek a si, ti’n na ruat ih?”

A rualnu in, “Hlasak dingin ka vun ding ih, mipi pawl an lungkim, an diriam, nuam an ti ih ka hla sakmi ah tui zetin an vung um ding kha ka tuah dingmi a si. An ṭul sammi hnangamnak le nomnak tuah sak ding hi ka ṭuanvo a si. Mi’h ṭulsammi ka pek thei mi hi ka hlawhtlinnak cu a si.”