Lalruatcawk
1Korin 2: 1-5
“Tongkam ka thiam lo tuk aw!” tiin tettikhan siseh mai biakinn pulpit parih Pathian thusim tla siseh kan ngam lo ṭheu. Thudik rori a si ti thei na cingin pawlkom, khawtlang thurelnak (meeting) tivek ah tla ningzak in kan aupi ngam lo. Nal zuahzo ih thurel theitu lawng hi mithiam le mifim ah kan ruat ṭheu pang maw?
Paul cun Korin Zumtu pawl hnenah Jesuh Khrih ih thuthangṭha a phuansuahnak ah ṭongkam thiamnak le minung ih fimnak a hmang lo. Minung ih fimnak hmang ding sisehla Pharasi sinak nei vetu Paul a si.
Sikhalsehla Paul cun Khirh le thinglamtah parih a thihnak siarlo thildang zianghman ngaihtuah ding ka rak tum lo tiah a ti. Ngai nuam men ding khalah thungthangṭha a phuanglo. Fimnak le thiamnak thawn a khat mi Korin khaw mi pawl hnenah cun ṭih le khur phah cingin Pathian huham cahnak a si mi thungthang cu a phuang.
Sikhalsehla Paul cun Khirh le thinglamtah parih a thihnak siarlo thildang zianghman ngaihtuah ding ka rak tum lo tiah a ti. Ngai nuam men ding khalah thungthangṭha a phuanglo. Fimnak le thiamnak thawn a khat mi Korin khaw mi pawl hnenah cun ṭih le khur phah cingin Pathian huham cahnak a si mi thungthang cu a phuang.
Curuangah, Pathian ih huham thiltitheinak cu kan mah minung a phuangtu parah a ṭhum aw lo. Huham thiltitheinak cu amah Pathian hnenah a um. Tih le ṭhia cingih kan phuansuahmi Pathian thuthangṭha in hmual a nei. Mifim le cathiam pa in a fimnak phatsan tiangin thuthangṭha (thudik) a din pinak parah Pathian huham a um. Mi santlai lo te si hman nung, thuthangṭha le thudik ruangah mifim, mithiam pawl hmai ah ṭih le khur cing tei kan au suahnak parah Pathian huham a um a si.
0 comments:
Post a Comment